Հանդիպում Լիբանանի խորհրդարանի նախագահի հետ

14 մարտի, 2015

Ս.թ. մարտի 14-ին Լիբանանի խորհրդարանի նախագահ Նաբիհ Բըրրին ընդունեց Բեյրութում աշխատանքային այցով գտնվող ՀՀ սփյուռքի նախարար Հրանուշ Հակոբյանին:
ՀՀ սփյուռքի նախարարը ընդգծեց, որ հայ ժողովուրդը միշտ երախտագիտությամբ է հիշելու արաբական աշխարհի, մասնավորապես Լիբանանի ժողովրդի ցուցաբերած աջակցությունը, ինչի շնորհիվ հայությունը փրկություն և ապաստան գտան, հիմնավորվեց, ինտեգրվեց և ակտիվորեն մասնակցեց քաղաքական, սոցիալ-տնտեսական և մշակութային կյանքին: Նախարարն շնորհակալություն հայտնեց Լիբանանի խորհրդարանին, որը 1997 և 2000թթ. ընդունեց երկու բանաձև և ճանաչեց Հայոց ցեղասպանությունը: Նախարարը ներկայացրեց մանրամասներ Հայաստանում և աշխարհի տարբեր երկրներում մարտ-ապրիլ ամիսներին Հայոց ցեղասպանության 100րդ տարելիցին նվիրված նախատեսվող միջոցառումների մասին: Զրուցակիցները բարձր գնահատեցին լիբանանանահայ համայքնի դերակատարությունը Լիբանանի զարգացման, ինչպես նաև Լիբանան-Հայաստան գործակցության ընդլայնման գործում: Քննարկվեցին նաև բարձրաստիճան պատվիրակությունների փոխայցելությունների հեռանկարներին, ինչպես նաև Երևանում անցկացվելիք միջոցառումներին լիբանանյան բարձրաստիճան խորհրդարանական պատվիրակության մասնակցությանն առնչվող հարցեր:
Հանդիպմանը ներկա էին Լիբանանում ՀՀ դեսպան Աշոտ Քոչարյանը, ՀՀ դեսպանության խորհրդական Աշոտ Վարդանյանը և Լիբանանի խորդրդարանի նախագահի խորհրդական Ալի Համդանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր