Հայաստանյան հրատարակչատների ցուցահանդես Բեյրութում

14 հոկտեմբերի, 2014

Ս.թ. հոկտեմբերի 14-ին Բեյրութում «Ազդակ» օրաթերթի «Փյունիկ» սրահում Համազգայինի «ՎահեՍեթյան» հրատարակչատան նախաձեռնությամբ եւ Լիբանանում ՀՀդեսպանության հովանավորությամբ տեղի ունեցավ հայաստանյան հրատարակչատների ցուցահանդեսի բացման արարողությունը: Ցուցահանդեսը 2-րդ անգամ է անցկացվում Լիբանանում, որին մասնակցում են նաեւ Լիբանանի հայկական հրատարակչատները` իրենց հավաքածուներով:

Բացման խոսքով հանդես եկան ՀՀ մշակույթի նախարարության ժամանակակից արվեստի վարչության պետ Սեյրանուհի Գեղամյանը, Հայաստանի հրատարակիչների ազգային միության նախագահ եւ «ԷդիտՊրինտ» հրատարակչատան տնօրեն Մկրտիչ Կարապետյանը, Համազգայինի «ՎահեՍեթյան» հրատարակչատան տնօրեն Հակոբ Հավաթյանը:

Եզրափակիչ խոսքով հանդես եկավ Լիբանանում ՀՀ դեսպան Աշոտ Քոչարյանը: Դեսպանը բարձր գնահատեց «ՎահեՍեթյան» հրատարակչատան ջանքերը ձեռնարկի կազմակերպման առումով, գոհունակություն հայտնեց, որ Երևանի պետհամալսարանի հրատարակչատան բաժանմունքն ու Հայոց ցեղասպանության թանգարան-ինստիտուտն իրենց հրատարակություններով նույնպես իրենց մասնակցությունն են բերել ցուցահանդեսին: Շեշետելով, որ հայոց լեզուն բացարձակ արժեք է եւ հայ ժողովուրդի հզոր զենքը, դեսպանը համոզմունք հայտնեց, որ ձեռնարկը դրական ազդեցություն կունենա գրահրատակչական արդյունաբերության վրա, կմիավորի արհեստավարժ մարդկանց, կապահովի Հայաստան-սփյուռք գործակցության խորացման գործընթացի շարունակականությունը եւ երեխաների ու երիտասարդների մոտ կարթնացնի եւ կխորացնի սերը ընթերցանության հանդեպ:

Պատվիրակությունը, որի կազմում ընդգրկված են նաև «Զանգակ», «Պրինտինֆո-ՍարգիսԽաչենց», Բուքինիստ» հրատարակչատների տնօրենները եւ «ԽնկոԱպոր» գրադարանի փոխտնօրենը, Լիբանանում գտնվելու օրերին այցելելու է հայկական կրթական հաստատություններ, որտեղ հանդիպումներ է ունենալու վարժարանների տնօրենների եւ մտավորականների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր