Դեսպան Քոչարյանը հանդիպեց Լիբանանի վարչապետին

06 օգոստոսի, 2014

Օգոստոսի 6-ին Լիբանանում ՀՀ դեսպան Աշոտ Քոչարյանը հանդիպում ունեցավ Լիբանանի վարչապետ Թամամ Սալամի հետ:

Դեսպանը Լիբանանի վարչապետին փոխանցեց ՀՀ վարչապետ Հովիկ Աբրահամյանի` Հայաստան այցելելու պաշտոնական հրավերը:

Հանդիպման ընթացքում բարձր գնահատվեց երկու բարեկամ երկրների երկկողմ հարաբերությունների մակարդակը:

Միաժամանակ նշվեց առևտրատնտեսական հարաբերությունների խորացման և ընդլայնման անհրաժեշտությունը, մոտակա ժամանակներին միջկառավարական հանձնաժողովի նիստի գումարման, ինչպես նաև գործարար համաժողովի կազմակերպման կարևորությունը:

Անդրադարձ եղավ Լիբանանի ներքաղաքական խնդիրներին, ինչպես նաև տարածաշրջանային զարգացումներին: Ընդգծվեց լիբանանահայ համայնքի կարևոր դերը Լիբանանի զարգացման գործում:

Լիբանանի վարչապետը շնորհակալություն հայտնեց հրավերի համար և խնդրեց իր ջերմ ողջույնները փոխանցել ՀՀ վարչապետ Հովիկ Աբրահամյանին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր