75-ամյակի հոբելյանական հանդիսավոր փառատոն

15 հունիսի, 2014

Ս.թ. հունիսի 15-ին ՀՀ սփյուռքի նախարար Հրանուշ Հակոբյանի հովանավորությամբ Բուրջ Համուդի Մեսրոպյան վարժարանի բակում տեղի է ունեցել Հայ կաթողիկե Մեսրոպյան վարժարանի և Հայ արիների 75-ամյակին նվիրված հանդիսավոր փառատոն: Փառատոնին ներկա են եղել Լիբանանում ՀՀ դեսպան Աշոտ Քոչարյանը, Հայ կաթողիկե վարժարանների տնօրենների խորհրդի նախագահ Գերհարգելի Հայր Գևորգ Ծ.Վ. Եղիայանը, հոգևոր հայրեր, կրթական պատասխանատուններ, ուսուչիցներ և ծնողներ:

Փառատոնը սկսվել է Մեսրոպյան վարժարանի «Ծիածան» երգչախմբի կողմից Լիբանանի, Հայաստանի և Մեսրոպյան վարժարանի քայերգների կատարմամբ:

Ներկաներին իրեն ողջույնի խոսքն են հղել Մեսրոպյան վարժարանի նախկին սաների միության ատենապետ Ռաֆայել Ումուդյանը և Սուրբ Մեսրոպի արիների գլխավոր խմբապետ Ավո Կարաքեշիշյանը: Փառատոնին գեղարվեստական կատարումներով իրենց մասնակցությունն են բերել Մեսրոպյան վարժարանի «Հավասի» աշուղական համույթը, դհոլի և դուդուկի խմբերը, «Շուշի» պարախմբի մեծահասակների և փոքրահասակների խմբերը, «Ծիածան» մեծահասակների և փոքրահասակների երգչախմբերը:

Փառատոնին իր շնորհավորանքի տեսաուղերձն էր հղել նաև ՀՀ սփյուռքի նախարար Հրանուշ Հակոբյանը: Նա իր խոսքում բարձր է գնահետել Հայ կաթողիկե Մեսրոպյան վարժարանի 75-ամյա ազգանպաստ գործունեությունը, որը, որպես հայ կրթության դարբնոց, 75 տարիներ ի վեր շարունակում է Սփյուռքում հայ մանուկների հայեցի դաստիարակության և հայապահպանման սուրբ գործը:

Միջոցառման ավարտին ելույթով հանդես է եկել Հայ կաթողիկե Մեսրոպյան վարժարանի տնօրեն Գրեուգար Գալուստը, ով շնորհակալություն է հայտնել ՀՀ սփյուռքի նախարար Հրանուշ Հակոբյանին, Լիբանանում ՀՀ դեսպան Աշոտ Քոչարյանին և բոլոր նրանց, ովքեր իրենց նպաստն են բերել վարժարաննի զարգացման և բարգավաճման գործին: Եզրափակելով իր խոսքը՝ Մեսրոպյան վարժարանի տնօրենը վստահեցրել է, որ ապագա սերունդները ևս ունենալու են «Մեսրոպյանական» կոչումը կրելու արժանիքը և հպարտությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր