Լիբանանում Ֆրանկոֆոնիայի ամսվա շրջանակներում կազմակերպված համերգ

30 մարտի, 2017

Ֆրանկոֆոնիայի ամսվա շրջանակներում մարտի 30-ին Բեյրութի USJ (Saint Joseph University) համալսրանում Լիբանանի մշակույթի նախարար Ղաթաս Խուրիի հովանու ներքո Լիբանանում ՀՀ դեսպանության նախաձեռնությամբ և Համազգայինի Լիբանանի շրջանային վարչության համագործակցությամբ տեղի ունեցավ Երևանի կոնսերվատորիայի ուսանող, լիբանանցի ջութակահար Իհաբ Ջամալի համերգը: Համերգին ներկա էին պետական հաստատությունների, դիվանագիտական կորպուսի, ակադեմիական և մշակութային շրջանակների ներկայացուցիչներ:
Բացման իր խոսքում Լիբանանում ՀՀ դեսպան Սամվել Մկրտչյանը կարևորեց Ֆրանկոֆոնիայի միջազգային կազմակերպության գործունեությունը և դրա շրջանակներում Հայաստանի ակտիվ ներգրավվածությունը` տեղեկացնելով նաև Հայաստանի կողմից 2018թ. գագաթնաժողովի հյուրընկալման մասին:
Դեսպան Մկրտչյանն ընդգծեց, որ այս միջոցառումն իր մեջ լավագույնս արտացոլում է Ֆրանկոֆոնիայի երկու հիմնական նպատակները՝ «մշակույթների և քաղաքակրթությունների երկխոսության ուժեղացում», «ժողովուրդների մերձեցում փոխճանաչման միջոցով»: Այն միտված է հայ և լիբանանցի ժողովուրդների մշակութային առնչությունների ավանդույթների շարունակմանը և առավել ամրապնդմանը:
Տեղեկանք: Լիբանանում Ֆրանկոֆոնիայի ամսվա շրջանակներում ՀՀ դեսպանությունը ՀԲԸՄ հետ համագործակցությամբ մարտի 8-ին կազմակերպել էր նաև երեկո` նվիրված լիբանանահայ երաժիշտ Պողոս Ջելալյանին։ Նախատեսված են նաև մի շարք այլ միջոցառումներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր