Սուրբ ծննդյան առիթով կազմակերպված համերգ Բեյրութում

22 դեկտեմբերի, 2016

Դեկտեմբերի 22-ին Լիբանանում ՀՀ դեսպանության և Լիբանանի ազգային կոնսերվատորիայի համատեղ կազմակերպմամբ Բեյրութի Սուրբ Հովսեփ եկեղեցում տեղի ունեցավ Սուրբ ծննդյան առիթով կազմակերպված Լիբանանի ֆիլհարմոնիկ նվագախմբի համերգը:
Համերգին ներկա էին Լիբանանում հավատարմագրված օտարերկրյա դիվանագետներ, Լիբանանի խորհրդարանի ներկա և նախկին պատգամավորներ, քաղաքական, դատական և ռազմական իշխանությունների ներկայացուցիչներ, հայ հոգևոր, քաղաքական, մշակութային կառույցների ղեկավարներ, ներկայացուցիչներ:
Բացման խոսքով հանդես եկավ Լիբանանում ՀՀ դեսպան Սամվել Մկրտչյանը, ով դրվատանքի խոսքեր հղեց Լիբանանի ազգային կոնսերվատորիային և նրա տնօրեն Ուալիդ Մուսալլամին, ինչպես նաև մաեստրո Հարութ Ֆազլյանին՝ ՀՀ դեսպանության հետ երկարամյա արդյունավետ համագործակցության համար:
Դեսպանն ընդգծեց համերգի կարևորությունը Լիբանանի և Հայաստանի միջև մշակութային կապերի ամրապնդման և խորացման գործում և հույս հայտնեց, որ նմանատիպ միջոցառումները պարբերական բնույթ կկրեն գալիք տարում։
Համերգին մասնակցում էր նաև Հայաստանից հատուկ ժամանած տաղանդավոր ջութակահարուհի, մի շարք միջազգային փառատոնների դափնեկիր Դիանա Ադամյանը, ով ներկայացրեց Կամիլ Սեն-Սանսի, Արամ Խաչատրյանի և Ֆրից Կրեյսլերի ստեղծագործությունները:
Նվագախումբը ղեկավարում էր Լիբանանի ֆիլհարմոնիկ նվագախմբի գլխավոր դիրիժոր Հարութ Ֆազլյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր