Հայաստանին նվիրված օր

20 մայիսի, 2016

Ս.թ. մայիսի 20-ին Լիբանանի Անտոնին համալսարանում (Université Antonine) կազմակերպվել էր Հայաստանին նվիրված օր: Միջացառման մեկնարկից առաջ համալսարանի տարածքում գործող եկեղեցում պատարագ մատուցեց Հայ կաթողիկե պատրիարքական փոխանորդ, Բեյրութի թեմի առաջնորդ Գևորգ եպս. Ասատուրյանը:
Այնուհետև ցուցադրվեց ՀՀ կրթության և գիտության նախարար Լևոն Մկրտչյանի տեսաուղերձը միջոցառման կազմակերպիչներին և լիբանանահայությանը: Ցուցադրվեցին նաև տեսաերիզներ Հայաստանի, հայ եկեղեցու և մշակույթի, ինչպես նաև՝ տարբեր բնագավառներում համաշխարհային հռչակի հասած հայ անվանիների մասին:
Ելույթերով հանդես եկան Հայկազյան համալսարանի նախագահ Փոլ Հայդոստյանը և Լիբանանի խորհրդարանի անդամ Հակոբ Բագրատունին:
Եզրափակիչ ելույթով հանդես եկավ դեսպան Սամվել Մկրտչյանը: Դեսպանը շնորհակալություն հայտնեց միջոցառման կազմակերպչներին, շեշտեց նմանատիպ միջոցառումների կարևորությունը, որը լավ առիթ է՝ ներկայցնելու սեփական երկիրն ու ժողովրդին: Դեսպանն անդրադարձավ հայ ժողովրդի պատմությանն ու դժվարություններին, սեփական ինքնության պահպանման համար մղած պայքարին, Արցախի գոյամարտին և նորօրյա անկախ Հայաստանի արձանագրած հաջողություններին: Դեսպան Մկրտչյանը մաղթեց, որ այսօրինակ միջոցառուները շարունակական բնույթ ստանան։Նա առանձնահատուկ անդրադարձավ և կարևորեց Լիբանանի հայ համայնքի դերակատարությանը, նրա ինքնության պահպանմանը և միաժամանակ երկրի քաղաքական, հասարակական և մշակութային կյանքին բազմաբնույթ ներդրմանը:
Միջոցառման ավարտին դեսպանը շրջայց կատարեց համալսարանի տարածքում Արևմտյան Հայաստանի տարբեր շրջանների՝ Մարաշ, Ուրֆա, անվանումներով կառուցված տաղավարներում,ծանոթացավ ցուցադրվող ավանդական ասեղնագործության նմուշներին, կերակրատեսակներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր