Դեսպան Մկրտչյանի հանդիպումը Լիբանանի խորհրդարանի նախագահի հետ

26 ապրիլի, 2016

Ս.թ. ապրիլի 26-ին դեսպան Ս. Մկրտչյանը հանդիպեց Լիբանանի խորհրդարանի նախագահ Նաբիհ Բըրիի հետ: Ընդգծելով հայ-լիբանանյան հարաբերությունների ջերմ բարեկամական բնույթը, խորհրդարանի նախագահը հաջողություններ մաղթեց ՀՀ դեսպանին իր պաշտոնական առաքելության շրջանում:
Կայացած զրույցի ընթացքում անդրադարձ կատարվեց Հարավային Կովկասի տարածաշրջանի խնդիրներին, ԼՂ հակամարտության գոտում լարվածության աճին: Շեշտադրվեց իրավիճակը զուտ խաղաղ, բանակցային եղանակով կարգավորելու հրամայականը:
Ս. Մկրտչյանը ներկայացրեց ՀՀ սահմանադրական բարեփոխումների, կառավարման խորհրդարանական համակարգին անցման ընթացքը:
Ն. Բըրին պարզաբանեց Լիբանանի նոր ընտրական օրենքի մշակման և ընդունման անհրաժեշտությունը, ներքաղաքական ներկա իրավիճակի հաղթահարման ուղղությամբ ձեռնարկվող քայլերը:
ՀՀ դեսպանը հավաստիացրեց, որ իր պաշտոնավարության ընթացքում ամենայն ջանք կներդրվի շարունակելու և զարգացնելու երկու բարեկամ երկրների հարաբերությունները, առավել ամրապնդելու կապերը բոլոր բնագավառներում:
Լիբանանի խոհրդարանի նախագահը խոստացավ ամենայն աջակցություն՝ երկու ժողովուրդներին առավել մերձեցնելու, առկա մարտահրավերներին համատեղ դիմակայելու գործում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր