Հայոց ցեղասպանության 101-րդ տարելիցին նվիրված միջոցառումներ Բեյրութում

24 ապրիլի, 2016

Ապրիլի 23-ին Հայ կաթողիկէ Սուրբ Փրկիչ եկեղեցու կից պարտեզում Բուրջ Համուդի քաղաքապետարանի նախաձեռնությամբ, երեք հայ եկեղեցական կառույցների ղեկավարների հովանավորությամբ, Սարգիս և Ժյուլի Պուտաքյանների բարերարությամբ տեղի ունեցավ Հայոց ցեղասպանության 100-րդ տարելիցի հիշատակը հավերժացնող խաչքարի բացում:
Ապրիլի 24-ին Մեծի Տանն Կիլիկիո կաթողիկոս Ն.Ս.Օ.Տ.Տ. Արամ Ա-ի հանդիսապետությամբ Անթիլիասի Սուրբ Գրիգոր Լուսավորիչ Մայր տաճարում Լիբանանի հայոց թեմի առաջնորդ Շահե եպիսկոպոս Փանոսյանի ձեռամբ մատուցվեց Սուրբ և Անմահ Պատարագ նվիրված Հայոց ցեղասպանության 101-րդ տարելիցին:
Ապրիլի 24-ին Սուրբ Գրիգոր Լուսավորիչ Ճեմարանի բակում Տանն Կիլիկիո Հայ Կաթողիկէ Եկեղեցու Գրիգոր Պետրոս Ի Կաթողիկոս Պատրիարքը մատուցեց Սուրբ և Անմահ Պատարագ՝ նվիրված Հայոց ցեղասպանության 101-րդ տարելիցին: Ապրիլի 24-ի երեկոյան կազմակերպվեց Հայոց ցեղասպանության 101-րդ տարելիցի համաժողովրդական ոգեկոչման պաշտոնական ձեռնարկը: Բազմահազարանոց հավաքը տեղի ունեացավ Բեյրութի Նահատակաց հրապարակում:
Ապրիլի 24-ին Լիբանանում Հայաստանի դեսպանության հովանավորությամբ, «Octopusteam» ջրասուզակների ակումբը յուրահատուկ ակցիայով հարգեց Հայոց ցեղասպանության զոհերի և Արցախում նահատակված հայորդիների հիշատակը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր