Հայոց ցեղասպանության 100-րդ տարելիցին նվիրված խաչքարի տեղադրում Բքերքեում

05 նոյեմբերի, 2015

Նոյեմբերի 5-ին Լիբանանում Անտիոքի ասորական մարոնիական եկեղեցու պատրիարքության, Անտիոքի և համայն արևելքի մարոնի եկեղեցու պատրիարք Բշարա Ռայի հովանավորությամբ Բքերքեի մարոնի եկեղեցու պատրիարքությունում տեղի ունեցավ Հայոց ցեղասպանության 100-րդ տարելիցին նվիրված խաչքարի բացման արարողություն և համաքրիստոնեական հավաք:

Միջոցառմանը ներկա էին կրոնական առաջնորդներ, նախարարներ, պատգամավորներ, բարձրաստիճան զինվորականներ, Լիբանանում ՀՀ դեսպան Աշոտ Քոչարյանը, Լիբանանում պապական նվիրակը, հոգևոր այրեր, կուսակցությունների ղեկավարներ և ներկայացուցիչներ, մտավորականներ, համայնքի ներկայացուցիչներ:

Ելույթներով հանդես եկան կրոնական առաջնորդներ, մտավորականներ, Բուդաքյան հիմնադրամի անդամներ: Ներկաներին իր պատգամն հղեց Մեծի Տանն Կիլիկիո կաթողիկոս Արամ Ա-ն: Վերջինս իր խոսքում նշեց, որ խաչքարը խորհրդանշում է հայ ժողովրդի պատմությունը, կամքն ու հաղթանակը: Վեհափառ հայրապետը բարձր գնահատեց խաչքարի զետեղումը այս պատմական վայրում և շնորհակալություն հայտնեց մարոնի եկեղեցու պատրիարքությանն աննախադեպ իրադարձության համար:

Անտիոքի մարոնի եկեղեցու առաջնորդ Բշարա Ռայի պատրիարքը ընդգծեց, որ հայերին Լիբանանում ճանաչում են իբրև նվիրյալ և անկեղծ քաղաքացիներ, որոնք ջանք չեն խնայում բարեկեցիկ կյանքի ապահովման և երկրի բարգավաճման համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր