Հայոց ցեղասպանության 100-րդ տարելիցին նվիրված խաչի տեղադրում Միջերկրական ծովում

10 մայիսի, 2015

Ս.թ. մայիսի 10-ին Լիբանանում ՀՀ դեսպանության, Հայոց ցեղասպանության 100-րդ տարելիցի Լիբանանի կենտրենական մարմնի, Տանն Կիլիկիո Կաթողիկե Հայոց կաթողիկոս պատրիարք Ներսես Պետրոս 19-րդի հովանավորությամբ, «Octopusteam» ջրասուզման ակումբի նախաձեռնությամբ տեղի ունեցավ Հայոց Ցեղասպանության 100-րդ տարելիցին նվիրված խաչի տեղադրման արարողություն Միջերկրական ծովում՝ Ջունիե-Տաբարժա հատվածում՝ 35 մերտ խորության վրա:
Միջոցառմանը ներկա էին Լիբանանում ՀՀ դեսպանության անձնակազմը՝ դեսպան Աշոտ Քոչարյանի գլխավորությամբ, Հայոց ցեղասպանության 100-րդ տարելիցի Լիբանանի կենտրենական մարմնի ներկայացուցիչներ, Տանն Կիլիկիո Կաթողիկե Հայոց կաթողիկոս պատրիարք Ներսես Պետրոս 19-րդը, մարոնի պատրիարք Բշարա Ռայի ներկայացուցիչը, Լիբանանի քաղաքացիական պաշտպանության ղեկավարը, ծովային փրկարարների թիմը՝ հրամանատար Սամիր Յազբեկի գլխավորությամբ, Լիբանանի խորհրդարանի պատգամավորներ, լիբանանյան հեռուստատեսությունում հայտնի հայ դերասաններ և հաղորդավարներ, լրագրողներ, Բաղդադի հեռուստաընկերության լրագրողը, Մեսրոպյան վարժարանի տնօրինությունն ու աշակերտները, հայ համայնքի ներկայացուցիչներ, սպորտի սիրահարներ:
Միջոցառմանը ելույթ ունեցավ «Octopusteam» ջրասուզման ակումբի սեփականատեր և թիմի ղեկավար հայազգի Անդրանիկ (Տոնի) Հադդադը: Վերջինս պատմեց, թե ինչպես են իր ծնողները գաղթել Թուրքիայից Սիրիա, ապա Լիբանան՝ ստիպված լինելով փոխել իրենց ազգանունը Դեմիրճյանից Հադդադի և անվանակոչելով իրենց երեխաներին հայկական անուններին համանման փոխակերպված տարբերոկներով՝ անմիջական սպառնալիքներից դրդված: Վերջինս շնորհակալություն հայտնեց ներկաներին և հատուկ իր ծնողներին, ովքեր հիմնական առիթն են եղել իր սույն գաղափարի իրականցման համար: Անդրանիկ Հադդադը նշեց, որ, որպես հայ իր պատրքն է համարել հարգանքի տուրք մատուցել Հայոց ցեղասպանության անմեղ զոհերին: Եվ լինելով ջրասուզակ, նա որոշել է խաչ տեղադրել ծովում, քանի որ շատ հայորդիներ Հայոց ցեղասպանությանը զոհ են գնացել նաև գետերում և ծովում խեղդամահ լինելով:
Լիբանանում ՀՀ դեսպան Աշոտ Քոչարյանը իր ելույթում խոսեց հայ ժողովրդի ստեղծարար մտքի և յուրահատուկությունների մասին՝ որպես վառ օրինակ նշելով սույն նախաձեռնությունը, անդրադարձավ պատմության ընթացքում հայ ժողովրդի դիմագրաված դժվարություններին և կրած տառապանքներին, որոնք իրենց գագաթնակետին հասան 1915 թ.: Դեսպան Քոչարյանը նշեց, որ այս տարի ամբողջ աշխարհում հայ ժողովուրդը ոգոկոչում է 100 տարի առաջ ցեղասպանության ենթարկված հայ ժողովրդի անմեղ զոհերին, միևնույն ժամանակ տոնում է կյանքի հաղթանակը մահվան հանդեպ և իր երախտագիտությունը հայտնում բոլոր այն երկրներին, որոնք օգնության ձեռք են մեկնել հայության փրկված հատվածներին և պայմաններ ստեղծել վերջիններիս համար՝ ապրելու և ստեղծագործելու հայրենիքից դուրս:
Դեսպանը նշեց, որ այս նախաձեռնությունը տեղի է ունենում մայիս ամսին, որը հայ ժողովրդի համար հաղթանակների ամիս է, երբ մենք տոնում ենք 1-ին հանրապետության անկախությունը, հայրենական մեծ մատերազմում տարած հաղթանակը և Շուշիի ազատագրումը:
Իր ելույթի վերջում դեսպան Քոչարյանը շնորհակալություն հայտնեց «Octopusteam» ակումբին եզակի նախաձեռնության համար և հաջողություն մաղթեց թիմին իր հետագա գործունեության մեջ:
Միջոցառման ավարտին Տանն Կիլիկիո Կաթողիկե Հայոց կաթողիկոս պատրիարք Ներսես Պետրոս 19-րդը կատարեց խաչի օծման արարողությունը, ով նշեց, որ իր եկեղեցական 75 տարվա գործունեության մեջ ինքը 1-ին անգամ է օծում խաչ, որը պիտի տեղադրվի ծովում: Օծման արարողությունից հետո «Octopusteam» ջրասուղման թիմի անդամները միջոցառման մասնակիցների ընկերակցությամբ նավերով ուղևորվեցին դեպի նշանակետը և կատարեցին խաչի տեղադրումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր