Քրիստոնյաների ցեղասպանության զոհերի հիշատակի ոգոկոչում

06 մայիսի, 2015

Ս.թ. մայիսի 6-ին՝ Լիբանանի անկախության նահատակների օրը, Դբայեյի «Լե Ռոյալ» հյուրանոցում տեղի ունեցավ քրիստոնյաների դեմ գործած ցեղասպանության 100-րդ տարելիցին նվիրված միջոցառում, որը նախաձեռնել էին ՀՅԴ Լիբանանի կենտրոնական կոմիտեն, Լիբանանի «Ազատ հայրենասիրական շարժում» կուսակցությունը և «Ասորիների լիգան»:
Ելույթներով հանդես եկան ՀՅԴ Լիբանանի կենտրոնական կոմիտեի ներկայացուցիչ, պատգամավոր Հակոբ Բագրատունին, Ասորիների լիգայի նախագահ Հաբիբ Աֆրամը և Ազատ հայրենասիրական շարժում կուսակցության ղեկավար Միշել Աունը:
Բանախոսները իրենց ելույթներում խոսեցին Օսմանյան կայսրության կողմից քրիստոնյա բնակչության հանդեպ իրականացված ցեղասպանության մասին, որն իրականացվել է տարբեր ձևերով՝ սպանությունների, սովի, աքսորի ճանապարհով: Անդրադարձան Թուրքիայի ներկայիս իշխանությունների ժխտողական քաղաքականությանը և ահաբեկչական խմբավորումների հետ վերջինիս կապին: Ելույթ ունեցողները շեշտեցին անցյալի պատմությունը մշտապես հիշելու կարևորությունը, որը իրենց ժողովուրդների վերածննդի գրավականը պիտի դառնա՝ կոչ անելով չմոռանալ ազգի ապագայի համար ընկած նահատակներին:
Միջոցառմանը ներկա էին Լիբանանում ՀՀ դեսպան Աշոտ Քոչարյանը, Լիբանանում Սիրիայի դեսպանը, նախարարներ, պատգամավորներ, քաղաքական կուսակցությունների ղեկավարներ, կորնական առաջնորդներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր