«Մի ազգի վերածնունդ» ցուցահանդես

04 մայիսի, 2015

«Սոլիդեր» ընկերության և Հայոց ցեղասպանության 100-րդ տարելիցի Լիբանանի կենտրոնական մարմի նախաձեռնությամբ և «Նոաս Արք» ցուցասրահի հետ համագործակցությամբ՝ ս.թ. մայիսի 4-ին Բեյրութի ցուցահանդեսների կենտրոնում տեղի ունենցավ «Մի ազգի վերածնունդ» խորագրով ցուցահանդեսի բացումը, որը վայելում էր Լիբանանի մշակույթի նախարար Ռեմոն Արայժիի հովանավորությունը:
Բացման խոսքով Հայոց ցեղասպանության 100-րդ տարելիցի Լիբանանի կենտրոնական մարմինի անունից ելույթ ունեցավ Արդա Յանիքյանը, ապա «Նոաս Արք» կենտրոնի խոսքը ներկաներին փոխանցեց Հրագ Հերգելյանը:
Լիբանանում ՀՀ դեսպան Աշոտ Քոչարյանը իր խոսքում շնորհակալություն հայտնեց լիբանանահայ համայնքին՝ Հայոց ցեղասպանության 100-ամյակին նվիրված միջոցառումներին ներդրված ջանքերի համար: Դեսպան Քոչարյանը մեկնաբանեց ցուցահանդեսի խորագիրը` «Մի ազգի վերածնունդ», որը կամքի և ուժի խորհրդանիշ է:
Այնուհետև խոսքով հանդես եկան «Սոլիդեր» ընկերության գլխավոր տնօրեն Մունիր Դուեիդին և Լիբանանի մշակութի նախարար Ռեմոն Արայժին: Վերջինս խոսեց հայոց դարավոր պատմության մասին, անդրադարձավ Հայոց ցեղասպանության 100-րդ տարելիցի առթիվ Հռոմի Ֆրանցիսկոս պապի մատուցաց սուրբ պատարագին և այդ հարցում Թուրքիայի անգիտակից վերաբերմունքին ու ժխտողական քաղաքականությանը:
Ցուցահանդեսը բաց կլինի մինչև ս.թ. մայիսի 26-ը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր