Լուսանկարների ցուցահանդես ֆրանսիական համալսարանում

10 ապրիլի, 2015

Բեյրութի «Ինստիտուտ Ֆրանսե» ինստիտուտում տեղի ունեցավ Վարդան Տերունյանի 1922-1936 թթ. հայեպահայության մասին վավերագրական լուսանկանրների ցուցահանդեսի բացումը: Ցուցահադեսը կազմակերպվել էր Թեքեյան մշակութային միության և «Ինստիտուտ Ֆրանսե»-ի նախաձեռնությամբ:
Իր բացման խոսքում Լիբանանում Ֆրանսիայի դեսպանության մշակութային կցորդ, «Ինստիտուտ Ֆրանսե»-ի տնօրեն Անրի Լեպրեթոնն անդրադարձավ լուսանկարչի կյանքին և գործունեությանը: Նա գոհունակություն հայտնեց, որ Տերունյանի 1922 - 1936 ժամանակաշրջանի բազմաթիվ գործեր պահպանվել են, որոնցից 72 լուսանկարներ գտնվում են Թեքեյան Մշակութային Միության արխիվներում:
Լիբանանում ՀՀ դեսպան Աշոտ Քոչարյանն անդրադարձավ Հայոց ցեղասպանության հետևանքներին, հալեպահայության ներկա դժվարություններին և մարտահրավերներին, հայ– ֆրանսիական բարեկամական հարաբերություններին: Նա իր երախտագիտությունը հայտնեց Ֆրանսիային, Լիբանանին և բոլոր այն երկրներին, որոնք ճանաչել են Հայոց ցեղասպանությունը: Բարձր գնահատվեց Լիբանանի հայ համայնքի, մասնավորապես Հայոց ցեղասպանության 100 ամյակի Կենտրոնական մարմնի գործունեությունը և նրա հետ արդյունավետ համագործակցությունը: Ընդգծվեց, որ մի քանի օրից Երևանում՝ Հայոց ցեղասպանության զոհերի հուշահամալիրում, Ծիծեռնակաբերդի բարձունքում, հայ ժողովրդի կողքին են կանգնելու աննախադեպ թվով օտարերկրյա բարձրաստիճան այրեր, այդ թվում՝ բարեկամ Ֆրանսիայի նախագահ Ֆրանսուա Հոլանդը:

Լիբանանում Ֆրանսիայի դեսպան Պատրիս Պաոլին շեշտեց, որ Ֆրանսիան միշտ եղել է և կլինի հայ ժողովուրդի կողքին: Դեսպանը կարևորեց ցեեղասպանությունների միջազգային դատապարտումը և ճանաչումը, ինչպես նաև վերահաստատեց, որ Հայոց Ցեղասպանության 100-ամյակին նվիրված միջոցառումներին մասնակցելու նպատակով Երևան կմեկնի բարձրաստիճան պատվիրակություն Ֆրանսայի Նախագահի գլխավորությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր