«Հայ երիտասարդի պահանջատիրությունը» թեմայով հանդիպում-քննարկում լիբանանահայ երեք օրաթերթերի խմբագիրների հետ

24 մարտի, 2015

Ս.թ. մարտի 24-ին Հայոց ցեղասպանության 100-ամյակի Լիբանանի կենտրոնական մարմնի հովանավորությամբ Մեսրոպյան վարժարանի «Ֆարաջյան» կենտրոնում տեղի ունեցավ «Հայ երիտասարդի պահանջատիրությունը» թեմայով հանդիպում, որը կազմակերպել էր Հայ կաթողիկե համալսարանականների միությունը (ՀԿՀՄ):
Զեկույցներով հանդես եկան «Ազդակ», «Արարատ» և «Զարթոնք» օրաթերթերի գլխավոր խմբագիրներ Շահան Կանդահարյանը, Անի Եփրեմյանը և Սևակ Հակոբյանը, ովքեր անդրադարձան հայ երիտասարդի պահանջատիրությանը՝ քաղաքական, մշակութային և սոցիալ-տնտեսական տեսանկյուններից:
«Ազդակ»-ի գլխավոր խմբագիր Շահան Կանդահարյանը նշեց, որ հատուցման հարցում անհրաժեշտ է նկատի առնել երեք դրույթ` անհատական հատուցում, եկեղեցապատկան կալվածքների վերադարձ և հայրենազրկման խնդիր:
«Արարատ» օրաթերթի տնօրեն Անի Եփրեմյանը ներկայացրեց հայ երիտասարդի պահանջատիրության պատմամշակութային կողմը՝ նշելով, որ Թուրքիան միտումնավոր կերպով իրականացրել է և շարունակում է մշակութային ցեղասպանությունը, որպեսզի վերացնի հայ իրականության գոյության փաստն իր ներկայիս տարածքներում:
«Զարթոնք» օրաթերթի գլխավոր խմբագիր Սևակ Հակոբյանը, անդրադարձավ հայ երիտասարդի պահանջատիրության սոցիալ-տնտեսական կողմին: Վերջինս շեշտեց, որ համայն հայությունը պարտավոր է ունենալ պահանջների հստակ սահմանում: Նա առաջարկեց օգտագործել նաև իսլամացած հայերի գործոնը և դրա հնարավոր դրական ազդեցությունը պահանջատիրության հարցում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր