«Հայկական աշխարհը ցեղասպանությունից 100 տարի անց» թեմայով սեմինար «Կարնեգի» հիմնադրամի Միջին Արևելքի կենտրոնում

10 մարտի, 2015

Ս.թ. մարտի 10-ին Բեյրութում «Կարնեգի»-ի Հանուն միջազգային խաղաղության հիմնադրամի Միջին Արևելքի կենտրոնում («Endowment for International Peace» Carnegie Middle East Center) կազմակերպվել էր սեմինար «Հայկական աշխարհը ցեղասպանությունից 100 տարի անց» խորագրով: Օրվա բանախոսներն էին «Հարավային Կովկասի և սևծովյան տարածաշրջանի փորձագետ Թոմաս Դե Վաալը և Հայկազյան համալսարանի նախագահ Փոլ Հայդոստյանը:
Հանդիպմանը նախ ներկայացվեց Թոմաս Դե Վաալի հրատարակած նոր գիրքը՝ «Մեծ աղետը` հայերը և թուրքերը ցեղասպանության ստվերում» (Great Catastrophe: Armenians and Turks in the shadow of Genocide): Հեղինակը ամփոփ ներկայացրեց իր գրքում տեղ գտած նյութերը՝ 1915 թվականից մինչև հայ-թուրքական արձանագրությունները:
Այնուհետև զեկույցով հանդես եկավ Հայկազյան համալսարանի նախագահ Փոլ Հայդոստյանը, ով նշեց, որ, եթե ցեղասպանության ժամանակաշրջանը բնութագրվում է որպես «կարմիր ցեղասպանություն», իսկ 1965 թ.-ի ժամանակաշրջանը՝ «սպիտակ ցեղասպանություն», ապա 100-ամյակի ժամանակաշրջանը կարելի է անվանել «անգույն ցեղասպանություն», երբ հայ ժողովրդի նոր սերնդի շատ ներկայացուցիչներ արդեն մոռացել են ցեղասպանության մանրամասնությունները, իսկ մյուս մասն էլ այլևս հետաքրքրված չի մանրամասնություններով»: Այսօր լրջագույն խնդիր է դարձել սփյուռքում հայոց լեզվի և հայկական ինքնության պահպանության հարցը:
Հայկազյան համալսարանի նախագահը ընդգծեց, որ վերջին տասնամյակների ընթացքում փոխվել է հայերի և թուրքերի մոտեցումները միմյանց նկատմամբ: Փոլ Հայդոստյանը նշեց, սակայն, որ, չնայաց երկու երկրների հասարակությունների մեջ տեղի ունեցող փոփոխություններին, անհնար է հասնել իրական մերձեցման, եթե Հայոց ցեղասպանության հարցում չփոխվի թուրքական պետության քաղաքականությունը:
Զեկույցների ավարտին ներկաները հնարավորություն ունեցան իրենց հարցերն ուղղելու օրվա բանախոսներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր