Արցախյան շաբաթ Լիբանանում

14 մարտի, 2014

Մարտի 9-ից 14-ը Լիբանանում “Արցախ Ֆոնդ”-ի նախաձեռնությամբ կազմակերպվել էր Արցախյան շաբաթ՝ արցախցի նոր սերնդի տաղանդաշատ երաժիշտների մասնակցությամբ: Երաժշտական երեկոներ և հանդիպումներ կազմակերպվեցին հայաբնակ Այնճար ավանում, Բեյրութի «Տեր-Մելքոնյան» համերգասրահում և հայկական կրթօջախներում:
Մարտի 14-ին Լիբանանի հայոց թեմի առաջնորդարանի «Երջո Սամվելյան» տոնակատարությունների սրահում տեղի ունեցավ եզրափակիչ միջոցառումը, որի շրջանակներում կատարվեց արցախցի 17 գեղանկարիչների ցուցահանդեսի պաշտոնական բացումը և տեղի ունեցավ երիտասարդ երաժիշտների գալա համերգը: Լիբանանահայ հանդիսատեսը մեծ ոգևորվածությամբ ընդունեց երիտասարդների բարձր մակարդակի կատարումները:
Պատվիրակության ղեկավար՝ Լեռնային Ղարաբաղի Հանրապետության մշակույթի և երիտասարդական հարցերի փոխնախարար Լեռնիկ Հովհաննսիյանը փոխանցեց իր խորին երախտագիտությունը ջերմ ընդունելության համար և «Արցախ ֆոնդ»-ի նախագահ Մելքոն Հակոբյանին հանձնեց հուշամեդալ:
Երեկոյին ներկա էին պաշտոնայներ, ազգային կառույցների ղեկավարներ, կրոնական առաջնորդներ, Լիբանանում ՀՀ դեսպանության ողջ անձնակազմը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր