Լիբանան-Հայաստան բարեկամության ընկերակցության 2014թ. անդրանիկ նիստը

16 հունվարի, 2014

Լիբանանում ՀՀ դեսպանությունում կայացավ Լիբանան-Հայաստան բարեկամության ընկերակցության 2014թ. անդրանիկ նիստը: Բացման խոսքով հանդես եկավ Լիբանանում ՀՀ դեսպան Աշոտ Քոչարյանը: Նա Ընկերակցության անդամներին մաղթեց արդյունավետ և արգասաբեր աշխատանք և հույս հայտնեց, որ ասոցիացիայի գործունեությունը 2014թ. ընթացքում հնարավորություն կստեղծի էլ ավելի խորացնելու առևտրատնտեսական հարաբերությունները Հայաստանի և Լիբանանի միջև, կնպաստի Հայաստանում և Լիբանանում ներդրումային ծրագրերի իրականացմանը, ինչպես նաև սերտ համագործակցության խորացմանը երկու երկրների առևտրատնտեսական ոլորտի կառույցների միջև: Քննարկվեցին նախատեսվող միջոցառումների որոշ մանրամասներ, ինչպես նաև Հայաստանի և Լիբանանի միջև ազատ առևտրի պայմանագրի ստորագրման հնարավորության հարցը: Կարևորվեց մոտակա ամիսներին հայ-լիբանանյան բիզնես ֆորումի անցկացումը և երկու բարեկամ երկրների գործարարների շփումների ակտիվացումը:

Նիստի ավարտին տեղի ունեցան ընտրություններ, որոնց արդյունքում գործարար Պիեռ Ֆատուշը վերընտրվեց Լիբանան-Հայաստան բարեկամության ընկերակցության նախագահի պաշտոնում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր