Ցուցահանդես-վաճառք Լիբանանում

22 հոկտեմբերի, 2013

Հոկտեմբերի 22-ին “Ազդակ” օրաթերթի «Փյունիկ» սրահում պաշտոնապես բացվեց Հայաստանի հրատարակչատների գրքերի ցուցահանդես–վաճառք, որին ներկայացված են Հայստանում և Լիբանանում տպագրված հայ և օտարալեզու շուրջ 300 անուն հրատարակումներ:
Ցուցահանդեսը կազմակերպվել է Համազգայինի «Վահե Սեթյան» հրատարակչատան նախաձեռնությամբ և Լիբանանում ՀՀ դեսպանության հովանավորությամբ:
Ողջույնի խոսքով հանդես եկան ՀՀ հրատարակիչների ազգային միության նախագահ Մկրտիչ Կարապետյանը, ՀՀ մշակույթի նախարարության վարչության պետ Սեյրանուհի Գեղամյանը, «Զանգակ» հրատարակչատան տնօրեն Սոկրատ Մկրտչյանը, Խնկո Ապոր անվան մանկական ազգային գրադարանի տնօրեն Ռուզան Տոնոյանը, «Արտ Բրիջ» հրատարակչատան տնօրեն Շաքե Կարապետյանը, Համազգայինի «Վահե Սեթյան» հրատարակչատան տնօրեն Հակոբ Հավաթյանը:
Իր ելույթում Լիբանանում ՀՀ դեսպան Աշոտ Քոչարյանը կարևորելով «Վահե Սեթյան» հրատարակչատան նախաձեռնությունը, նշեց, որ միջոցառումն աննախադեպ է և յուրօրինակ, որովհետև առաջին անգամ Բեյրութում կազմակերպվում է Հայաստանի, Լիբանանի և սփյուռքի հրատարակչությունների համատեղ ձեռնարկ՝ ցուցահանդես - վաճառք: Նա համոզմունք հայտնեց, որ ձեռնարկը երկարատև ազդեցություն կունենա տպագրական և հրատարակչական արդյունաբերության վրա, կմիավորի արհեստավարժ մարդկանց, կապահովի Հայաստան-սփյոռք գործակցության խորացման գործընթացի շարունակականությունը, երեխաների և երիտասարդների մոտ կարթնացնի և կխորացնի սերը ընթերցանության հանդեպ: Դեսպանն անդրադարձավ նաև հայ հարուստ մշակույթին և գրական ժառանգությանը: Նա ներկաներին փոխանցեց ՀՀ սփյուռքի նախարար Հրանուշ Հակոբյանի շնորհավորանքներն ու բարեմաղթանքները:

Հոկտեմբերի 23-ին «Փյունիկ» սրահում կանցկացվի կլոր սեղան «Հայաստանի հրատարակչական ոլորտի մարտահրավերներն այսօր» թեմայով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր