ՀՀ անձնագրերի հանձնման արարողություն

18 հուլիսի, 2013

Հուլիսի 18-ին Լիբանանում ՀՀ դեսպանությունում տեղի ունեցավ Հայաստանի Հանրապետության անձնագրերի հանձնման հանդիսավոր արարողություն: Արարողությունից առաջ հնչեցին Լիբանանի և Հայաստանի օրհներգները: Այնուհետև Լիբանանում ՀՀ դեսպան Աշոտ Քոչարյանն ողջունեց ներկաներին և նրանց շնորհավորեց ՀՀ քաղաքացիություն ստանալու կապակցությամբ: Իր խոսքում Աշոտ Քոչարյանը նշեց, որ «բոլորի համար այսօր մեծ իրադարձություն է՝ տոնական, խորհրդանշական և պարտավորեցնող հանդիսություն: Անձնագիրն ընձեռում է իրավունքներ և միևնույն ժամանակ սահմանում պատասխանատվություն»: Նա նշեց, որ յուրաքնաչյուրի հայկական օջախում պահպանվում է հայկական գիրն ու լեզուն, մշակույթը և ավանդույթները, ծավալվում է ազգանվեր և հայապահպանման գործունեություն՝ ի նպաստ համայնքի ազգային, մշակութային կյանքի վերելքին, առկա է սեր ու հավատարմություն հայության, հայրենիքի, հայոց պետականության նկատմամբ:
Դեսպան Աշոտ Քոչարյանը բարձր գնահատեց լիբանանահայերի ազգօգուտ գործունեությունը և համոզմունք հայտնեց, որ անձնագրի ստացումը թույլ կտա ավելի հաճախակի այցելել Հայաստան, մասնակցել համահայկական նշանակություն ունեցող իրադարձություններին, նաև գիտելիքներով, փորձով և ներդրումներով նպաստել հայրենիքի զարգացմանը”: «Այսօր իրականացավ ձեր երազանքը: Դուք Հայաստանի Հանրապետության նախագահ Սերժ Սարգսյանի հրամանագրով դառնում եք ազատ, անկախ, Հայաստանի քաղաքացի, ինչը մեծ պատիվ ու հպարտություն է յուրաքանչյուրիդ համար, պատասխանատվություն և պատմական երևույթ”,- ընդգծեց Լիբանանում Հայաստանի Հանրապետության դեսպան Աշոտ Քոչարյանը:
Ապա Լիբանանում Հայաստանի Հանրապետության հյուպատոս Կարեն Մաթևոսյանը իր հերթին շնորհավորեց ներկաներին Հայաստանի Հանրապետության քաղաքացիություն ստանալու կապակցությամբ, ներկայացրեց երդման տեքստը և բացատրեց անձնագրի ստացման կարգը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր