Հայկական մշակութային օր Լիբանանի Քասլիկի համալսարանում

14 մայիսի, 2013

Մայիսի 14-ին Քասլիկի համալսարանի (Holy Spirit University of Kaslik) հայ ուսանողների նախաձեռնությամբ Հայկազյան համալսարանի Սփյուռքի հետազոտությունների կենտրոնի և Լիբանանում ՀՀ դեսպանության աջակցությամբ կազմակերպվել էր հայկական մշակութային օր:

Ձեռնարկի պաշտոնական բացման արարողությանը ելույթներով հանդես եկան Լիբանանում ՀՀ դեսպան Աշոտ Քոչարյանը, Հայկազյան համալսարանի Սփյուռքի հետազոտությունների կենտրոնի տնօրեն Անդրանիկ Դակեսյանը, Քասլիկի համալսարանի ուսանողների հարցերով բաժնի փոխտնօրեն Խալիլ Աբուդը :

Դեսպան Քոչարյանն իր ելույթում անդրադարձավ հայ ժողովրդի պատմությանը, մշակույթին և արվեստին:

Անդրանիկ Դակեսյանը խոսեց լիբանանահայության և նրանց դերի մասին հայ-լիբանանյան պատմական առնչությունների շառավիղում:

Համալսարանի տարածքում կազմակերպվել էին ցուցահանդեսներ հայ ոսկերիչների, գորգագործների և արհեստավորների մասնակցությամբ:

Այցելուները հնարավորություն ունեցան համտեսելու հայկական խոհանոցը, դիտելու ուսանողների կողմից կազմակերպված գեղարվեստական կատարումները:

Ձեռնարկին ներկա էին համալսարանի տնօրինությունն ու ուսանողները, Ազգային Եղիշե Մանուկյան վարժարանի 11-րդ և Համազգայինի Մելանքտոն և Հայկ Արսլանյան Ճեմարանի 10-րդ դասարանների աշակերտները, ՀՀ դեսպանության առաջին քարտուղար Վարդան Ադամյանը:

Տեղեկանք. Կասլիկի համալսարանը հիմնադրվել է 1950 թվականին: Շուրջ 7 800 ուսանողներ համալսարանի 11 ֆակուլտետներում ուսանում են աստվածաբանություն, փիլիսոփայություն, բիզնես, գյուղատնտեսություն, բժշկական և ինժեներական գիտություններ, իրավաբանություն, երաժշտություն, գեղանկարչություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր