ՀՀ դեսպան Աշոտ Քոչարյանը հանդիպել է Լիբանանի հրաժարյալ կառավարության ԱԳ և էմիգրանտների նախարար Ադնան Մանսուրի հետ

30 մարտի, 2013

Ս.թ. մարտի 30-ին Լիբանանում ՀՀ դեսպան Աշոտ Քոչարյանը հանդիպել է Լիբանանի հրաժարյալ կառավարության ԱԳ և էմիգրանտների նախարար Ադնան Մանսուրի հետ: Հանդիպման ընթացքում քննարկվել են երկկողմ հարաբերություններին առնչվող խնդիրներ: Նշվել է, որ հայ-լիբանանյան բարեկամական հարաբերությունները գտնվում են բարձր մակարդակի վրա: Կարևորվել է սերտ համագործակցության խորացումը միջազգային կազմակերպությունների շրջանակներում, ընդգծվել է համագործակցության ընդլայնման անհրաժեշտությունն առևտրատնտեսական, զբոսաշրջության և ավիացիայի ոլորտներում: Դրական է գնահատվել ՀՀ-ում Լիբանանի նորանշանակ դեսպան Ժան Մակարոնի Երևան ժամանելու փաստը: Նախարար Ադնան Մանսուրը բարձր է գնահատել լիբանանահայ համայնքի կառուցողական դերը Լիբանանի զարգացման գործում: Քննարկվել են նաև տարածաշրջանային և ներքաղաքական զարդացումներին առնչվող խնդիրներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր