Դեսպան Քոչարյանի հանդիպումները Լիբանանի Նախագահի և խորհրդարանի նախագահի հետ

10 սեպտեմբերի, 2012

Ս.թ. սեպտեմբերի 10-ին Լիբանանի Նախագահ Միշել Սլեյմանը ընդունել է Լիբանանում ՀՀ դեսպան Աշոտ Քոչարյանին՝ վերջինիս խնդրանքով:

Դեսպան Քոչարյանը Նախագահ Սլեյմանին ներկայացրել է մանրամասներ ադրբեջանցի մարդասպան Ռամիլ Սաֆարովին հունգարական իշխանությունների կողմից Ադրբեջանին արտահանձնելու, ապա Ադրբեջանի նախագահի կողմից նրան ներում շնորհելու և հերոսացնելու վերաբերյալ:

Դեսպան Քոչարյանը հայտնել է, որ Հայաստանը խզել է դիվանագիտական հարաբերությունները և պաշտոնական կապերը Հունգարիայի հետ: Դեսպանը ընդգծել է, որ շատ երկրներ, ինչպես նաև միջազգային կազմակերպություններ, աշխարհով մեկ սփռված հայ համայնքները բողոքի ցույցեր եմ կազմակերպել աշխարհի տարբեր երկրներում , նաև Բեյրութում, Հունգարիայի դեսպանության շենքի առջև հունգարա‑ադրբեջանական խայտառակ գործարքը դատապարտելու նպատակով:

Նախագահ Սլեյմանն ըմբռնումով է ընդունել ներկայացված տեղեկատվությունը և հույս է հայտնել, որ բանակցությունները Լեռնային Ղարաբաղի հակամարտության խաղաղ կարգավորման ուղղությամբ կշարունակվեն:

Հանդիպման ընթացքում քննարկվեն են նաև երկկողմ հարաբերություններին առնչվող հարցեր: Մասնավորապես, կարևորվել է միջազգային կազմակերպություններում երկկողմ սերտ համագործակցությունը: Այս համատեքստում դեսպան Քոչարյանը լիբանանյան կողմին ՀՀ կառավարության երախտագիտությունն է հայտնել ՉՇ կազմակերպության շրջանակներում սերտ համագործակցության և շարունակական աջակցության համար: Ընդգծվել է երկկողմ բարձրաստիճան պաշտոնական այցերի և տնտեսական կապերի աշխուժացման անհրաժեշտությունը:

Նախագահ Սլեյմանը խնդրել է ՀՀ Նախագահ Սերժ Սարգսյանին փոխանցել իր ջերմ շնորհավորանքները Համաշխարհային Օլիմպիադայում ՀՀ շախմատի ազգային հավաքականի տարած հաղթանակի կապակցությամբ:

Նույն օրը ՀՀ դեսպան Քոչարյանը հանդիպել է Լիբանանի խորհրդարանի նախագահ Նաբիհ Բըրրիի հետ, ում նույնպես ներկայացվել են մանրամասներ ադրբեջանա-հունգարական խայտառակ գործարկի վերաբերյալ: Դեսպան Քոչարյանը տեղեկացրել է սեպտեմբերի 5-ի ՀՀ ԱԺ հատուկ նիստի արդյունքների մասին: Նաբիհ Բըրրիին փոխանցվել է ՀՀ ԱԺ-ի կողմից ընդունված հայտարարությունը: Լիբանանի խորհրդարանի նախագահը փոստացել է մոտակա նիստի ժամանակ հայտարարությունը ներկայացնել Լիբանանի ԱԺ խորհրդարանի ուշադրությանը:

Հանդիպման ընթացքում կարևորվել է երկու բարեկամ երկրների սերտ համագործակցության խորացումն ու ընդլայնումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր