Հայկական կուսակցությունները բողոք-նամակ են հանձնել Լիբանանում Հունգարիայի դեսպանին

06 սեպտեմբերի, 2012

Ն.Գ. Լասլո Վարադի
Լիբանանում Հունգարիայի դեսպան
Հարգելի պրն դեսպան,

Ձեզ ենք գրում մեր խոր մտահոգությունն ու դատապարտումը արտայայտելու Հունգարիայում 2004-ին ՆԱՏՕ-ի Հանուն խաղաղության գործընկերության ծրագրի ընթացքում հայ սպա Գուրգեն Մարգարյանին քնաց վիճակում դաժանաբար կացնահարելու համար ցմահ բանտարկության դատապարտված ադրբեջանական բանակի սպա Ռամիլ Սաֆարովի` Հունգարիայի կառավարության կողմից արտահանձնման, ապա Ադրբեջանի նախագահ Իլհամ Ալիևի կողմից նրան ներում շնորհելու առնչությամբ: Մեզ համար անհասկանալի է, թե ինչո՞ւ Հունգարիան սառնասիրտ եւ իր արարքի համար չզղջացող ոճրագործին ազատ արձակեց ` վստահելով Ադրբջանի երաշխիքներին, որը հայտնի է իր կեղծ քարոզչությամբ և բացայայտ հակահայկական քաղաքականությամբ: Թեև ադրբեջանական իշխանությունները երաշխիքներ էին ներկայացրել Հունգարիային, թե պետք է շարունակեն կիրառել Սաֆարովի հանդեպ պատիժը, Ալիևը անմիջապես նրան ներում շնորհեց, իսկ Ադրբեջանի պաշտպանության նախարարը նրան մայորի կոչում տվեց: Վայրագ ոճրագործը Ադրբեջան վերադառնալուն պես հերոսի կոչման արժանացավ, ինչը մարդասպանության հստակ հանգամանքով միջազգային արդարադատության և օրենքի գերակայության բացայայտ ոտնահարում է: Հունգարիսյի կողմից Սաֆարովի արտահանձնումը, ապա Ադրբեջանում նրան ազատ արձակելը ոճրագործներին առիթ է ընձեռում ոչ միայն այլ երկիրներում իրենց գործած ապօրինի արարքների համար ստացած արդար պատժից խուսափելու, այլ նաև էթնիկական հողի վրա ոճիրներ գործելը խրախուսելու համար: Ավելի՛ն. այս զարգացումները վտանգ են ներկայացնում Լեռնային Ղարաբաղում բախումների վերսկսման համար: Այս անբարոյական արարքով Ադրբեջանը շարունակում է իր քաղաքացիների շրջանում քաջալերել և արդարացնել ատելությունը հայերի հանդեպ: Հունգարիայի կողմից Սաֆարովի արտահանձնումը Ադրբեջանին առիթ է տալիս կրկին անգամ ցուցաբերելու ապակառուցողական մոտեցում ղարաբաղյան համկամարտության կարգավորման նկատմամբ, զինադադարի հաճախակի խախտումներով եւ պատերազմի շարունակական սպառնալիքներով:

Այս նամակով, հայ և հունգար ժողովուրդների բարեկամությունը պահպանելու նպատակով, ձեզ կոչ ենք ուղղում` հրապարակավ դատապարտելու այս խայտառակ և վտանգավոր արարքները: Պահանջում ենք նաև, որպեսզի Սաֆարովն անմիջապես բանտարկվի և շարունակվի ցմահ բանտարկության դատավճռի գործադրությունը: Հունգարիայի եւ միջազգային հանրության կողմից այս մեծ անարդարության խիստ դատապարտման բացակայությունը կխարխլի իսկական եւ տևական խաղաղության հեռանկարները: Ադրբեջանական իշխանությունների սադրանքները կբարձրացնեն Կովկասում զինյալ բախումների հավանականության վտանգը:

Հայ Հեղափոխական Դաշնակցություն
Սոցիալ Դեմոկրատական Հնչակյան Կուսակցություն
Ռամկավար Ազատական Կուսակցություն

Բեյրութ

Սեպտեմբերի 6, 2012

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր