ՀՀ դեսպան Աշոտ Քոչարյանը ընդունել է Հայ ոսկերիչների Համաշխարհային ասոցիացիայի` AJA, գործադիր տնօրեն Արտակ Ուդումյանին

21 հուլիսի, 2012

Հուլիսի 21-ին Լիբանանում ՀՀ դեսպան Աշոտ Քոչարյանը ընդունել է Բեյրութում աշխատանքային այցով գտնվող Հայ ոսկերիչների Համաշխարհային ասոցիացիայի` AJA, գործադիր տնօրեն Արտակ Ուդումյանին: Հանդիպման ընթացքում Ա. Ուդումյանը ներկայացրել է այցի նպատակներն ու արդյունքները, ընդգծել լիբանանահայ ոսկերիչների հետ համագործակցության և աշնանը Երևանում կայանալիք ոսկերիչների համաշխարհային ցուցահանդեսում նրանց մասնակցության կարևորությունը: Բեյրութ կատարած այցի շրջանակներում AJA-ի գործադիր տնօրենը հանդիպումներ է ունեցել հայ ոսկերիչների լիբանանյան մասնաճյուղի խորհրդի անդամների հետ, ներկայացրել է AJA-ի կենտրոնական խորհրդի գործունեության հիմնական ուղղությունները, ծանոթացրել նախատեսվող հետագա ծրագրերի մանրամասներին, նշել այլ երկրներում տեղակայված խորհուրդների հետ համագործակցության խորացման և ընդլայնման անհրաժեշտությունը: Ա. Ուդումյանը մասնակցել է երիտասարդ ոսկերիչների հավաքին, այցելել մի շարք ոսկերչական ձեռնարկություններ, հանդիպումներ ունեցել լիբանանահայ համայնքի տարբեր հասարակական կառույցների ներկայացուցիչնրի հետ:

Հայաբնակ Անճար ավանում Անճարի քաղաքապետի և անճարցի ոսկերիչների հետ կայացած հանդիպման ժամանակ տեղի է ունեցել մտքերի փոխանակում հետագա համագործակցության հեռանկարների առնչությամբ: Լիբանանահայ ոսկերիչները գոհունակություն են հայտնել կայացած հանդիպումների արդյունքներից և հայտնել իրենց շահագրգռվածությունը Երևանում կայանալիք երկրորդ համաշխարհային ցուցահանդեսին մասնակցելու վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր