Ընդունելություն Լիբանանում ՀՀ դեսպանությունում

04 հուլիսի, 2012

Հուլիսի 4-ին Լիբանանում ՀՀ դեսպանություն են այցելել Բիբլոս քաղաքի «Frères Maristes Jbeil» դպրոցի 11-րդ դասարանի աշակերտները, որոնք հաղթող են ճանաչվել Լիբանանի ամերիկյան համալսարանում ամեն տարի կազմակերպվող ՄԱԿ-ի մոդել ավանդական միջոցառմանը:

Այս տարի միջոցառմանը մասնակցել են Լիբանանի 120 դպրոցներ, որոնցից «Frères Maristes Jbeil» դպրոցը ներկայացրել է Հայաստանը ՄԱԿ-ի տարբեր կառույցներում: Դպրոցի աշակերտներն անդրադարձել են Հայաստանի քաղաքական և տնտեսական ոլորտներին և կազմակերպիչների կողմից արժանացել 6 տարբեր մրցանակների: Միջոցառման երկրորդ մասում, որը կոչվում էր «Համընդհանուր ավան», դպրոցի աշակերտները ներկայացրել են Հայաստանի մշակույթը: Միջոցառման շրջանակներում աշակերտների նախաձեռնությամբ բացված Հայոց ցեղասպանության զոհերի հիշատակին նվիրված հուշամատյանում իրենց ստորագրությունն ու ուղերձն են թողել միջոցառման բազմաթիվ մասնակիցներ: Հուշամատյանը հանդիպման ժամանակ փոխանցվել է ՀՀ դեսպանին:

Դեսպան Աշոտ Քոչարյանը շնորհավորել է աշակերտեներին միջոցառմանը մասնակցելու և հաղթելու կապակցությամբ ու մաղթել հաջողություններ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր