Հայոց Ցեղասպանության թանգարան-ինստիտուտի տնօրեն Հայկ Դեմոյանի այցը Բեյրութ

23 փետրվարի, 2012

Փետրվարի 18-ից 23-ը Բեյրութում Մեծի Տանն Կիլիկիո կաթողիկոսության հրավերով էր գտնվում Հայոց Ցեղասպանության թանգարան-ինստիտուտի տնօրեն Հայկ Դեմոյանը:

Ս.թ. փետրվարի 18-ին Բեյրությում Լիբանանի Հայոց թեմի առաջնորդարանում տեղի է ունեցել Հայոց ցեղասպանության 100-ամյակի Լիբանանի կենտրոնական մարմնի նիստը, որին մասնակցել են Լիբանանում ՀՀ դեսպան Աշոտ Քոչարյանը, Ցեղասպանության թանգարան-ինստիտուտի տնօրեն Հայկ Դեմոյանը և Ցեղասպանութան թանգարան-ինստիտուտի փոխտնօրեն Սուրեն Մանուկյանը:

Նիստում քննարկվել է Մեծ Եղեռնի 100-ամյակին կապակցությամբ Լիբանանում առաջիկա երեք տարիներին ծրագրվելիք և իրականացվելիք աշխատանքների օրակարգը: Նիստում ճշտվել են Հայոց ցեղասպանության 100-ամյակի Կենտրոնական մարմնի և Լիբանանի մարմինի միջև աշխատանքների համակարգման եղանակները:

Ս.թ. փետրվարի 21-ին Հայոց ցեղասպանության 100-ամյակի Լիբանանի կենտրանական մարմնի նախաձեռնությամբ Բուրջ Համուդի Ազգային առաջնորդարանի «Երջո Սամվելյան-Եռագույն» սրահում տեղի է ունեցել դասախոսություն «Հայոց ցեղասպանության 100-ամյակին ընդառաջ՝ ռազմավարական խնդիրներ և ընդհանուր ուղղություներ» թեմայով: Դասախոսությանը ներկա էին Լիբանանում ՀՀ դեսպան Աշոտ Քոչարյանը և դեսպանության դիվանագիտական անձնակազմը, Բուրջ Համուդի քաղաքապետ Անդրանիկ Մսրլյանը, Լիբանանի թեմի առաջնորդ Գեղամ արքեպիսկոպոս Խաչերյանը, ազգային և կուսակցական մարմինների ներկայացուցիչներ: Միջոցառման սկզբին Հայոց ցեղասպանության 100-ամյակի Լիբանանի կենտրոնական մարմնի ատենապետ Սեդա Խդշյանը ներկաներին ներկայացրեց Կենտրանական մարմնի կատարած աշխատանքները և աաջիկայում նախատեսվելիք ձեռնարկները: Իր խոսքում տիկին Խդշյանը նշել է, որ ժամանակն է որպեսզի Հայաստանն ու Սփյուռքը վերամիավորված և համակարգված ծրագրերով և միացյալ ուժերով ու ազգային գաղափարախոսության միևնույն տեսլականով և ուղղվածությամբ ոգեկոչումներից անցնեն դատական ատյան և իրավական լեզվով թուրքերի հետ երկխոսության նստեն:

Այնուհետև հանդես է եկել երեկոյի գլխավոր բանախոս Հայ Դեմոյանը: Նա մանրամասներ է ներկայացրել 100-ամյակի նախաշեմին Ցեղասպանության թանգարանի կառուցվելիք նոր արդիական մասնաշենքի վերաբերյալ: Ապա անդադարձել է 2011թ. և 2012թ. տարեսկզբին միջազգային ասպարեզում Հայոց ցեղասպանության ճանաչման գործընթացում գրանցված հաջողություններին և Թուրքիայի ձեռնարկած ջղաձիգ քայլերին: Հայկ Դեմոյանը նշել է այն կարևոր ուղղությունները, որոնցով Հայաստանը և Սփյուռքը միասնաբար պետք է կենտրոնացնեն իրենց ջանքերը՝ Ցեղասպանության ճանաչման և Հայ դատի աշխատանքները էլ ավելի արդյունավետ դարձնելու համար:

Միջացառման ավարտին ելույթով հանդես է եկել Լիբանանի հայոց թեմի առաջնորդ Գեղամ արք. Խաչերյանը: Նա նշել է, որ ժամանակն է որպեսզի հայ ժողովուրդը միասնաբար իր իրավունքին պահանհանջատեր լինի և ուրախ է, որ Ցեղասպանության 100-ամյակի նախաշեմին Հայաստանը անկախ է և հանդիսանում է աշխարհասփյուռ հայության ինքնության խարիսխը:

Ս.թ. փետրվարի 22-ի կեսօրին Բուրջ Համուդի «Երջո Սամվելյան-Եռագույն» սրահում տեղի է ունեցել լիբանանհայ երկրոդական վարժարանների սաների հանդիպումը Հայկ Դեմոյանի հետ: Հանդիպման ընթացքում Հայկ Դեմոյանը լիբանանահայ աշակերտությանը մանրամասն ներկայացրել է Ծիածառնկաբերդի հուշահամալիրի և Ցեղասպանության թանգարանի ստեղծման պատմությունը և ներկայում կատարվող աշխատանքները:

Դեմոյանը մասնակցել է «Հայոց ցեղասպանություն՝ Ճանաչումից հատուցում» միջազգային գիտաժողովին, որը կազմակերպվել էր Մեծի Տանն Կիլիկիո կաթողիկոսարանի նախաձեռնությամբ և «Փյունիկ»մարդկային ռեսուրսների հիմնադրամի հովանավորությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր