ՀՀ դեսպանությունում տեղի է ունեցել դեսպան Աշոտ Քոչարյանի մամուլի ասուլիսը

23 հունվարի, 2012

Ս.թ. հունվարի 23-ին ՀՀ դեսպանությունում տեղի է ունեցել դեսպան Աշոտ Քոչարյանի մամուլի ասուլիսը Լիբանանի հայկական լրատվամիջոցների ղեկավարների և ներկայացուցիչների համար:

ՀՀ դեսպանն անդրադարձել է ՀՀ արտաքին քաղաքականության հիմնական ուղղություններին, ամփոփել է 2011թ. ընթացքում ՀՀ դեսպանության կողմից կատարված աշխատանքները, ներկայացրել է նաև ընթացիկ տարվա նախատեսվող ծրագրերի որոշ մանրամասները:

Նա բարձր է գնահատել հայ-լիբանանյան քաղաքական հարաբերությունների ներկա մակարդակը, կարևորել է բարձրաստիճան պատվիրակությունների փոխայցելությունների շարունակականությունը, գործարար համաժողովների անցկացման, Հայաստան-սփյուռք գործակցության խորացման, հայ համայնքի և կառույցների հետ սերտ համագործակցության անհրաժեշտությունը: Դեսպանը ընդգծել է, որ ակնկալվում է սփյուռքի կառույցների ակտիվ մասնակցությունը հայ գրատպության 500-ամյակին և Երևանը, որպես 2012թ. համաշխարհային գրքի մայրաքաղաք ծրագրի շրջանակներում նախատեսվող միջոցառումներին:

Դեսպան Քոչարյանը պատասխանել է լրագրողներին հետաքրքրող հարցերին և մաղթել նրանց արդյունավետ աշխատանք համահայկական նշանակություն ունեցող խնդիրների համապարփակ լուսաբանման գործում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր