Հայաստանի Հանրապետության անկախության 20-ամյա տարեդարձին նվիրված համերգ Լիբանանում

07 հոկտեմբերի, 2011

Ս.թ. հոկտեմբերի 7-ին Բեյրութի Ս. Ժոզեֆ եկեղեցում Լիբանանում ՀՀ դեսպանության նախաձեռնությամբ տեղի է ունեցել Լիբանանի ֆիլարմոնիկ նվագախմբի տոնական համերգը` նվիրված Հայաստանի Հանրապետության անկախության 20-ամյակին:

Երեկոն բացել է Լիբանանում ՀՀ դեսպան Աշոտ Քոչարյանը: Ողջունելով ներկաներին, նա բարձր է գնահատել երկու բարեկամ երկրների համագործակցությունը մշակույթի ոլորտում, հայտնել է ՀՀ կառավարության երախտագիտությունը Լիբանանի մշակույթի նախարարությանը և Բեյրութի կոնսերվատորիային աջակցության համար, այնուհետև ներկայացրել է համերգի ծրագիրն ու Հայաստանից ժամանած տաղանդաշատ երաժիշտներին: 850 տեղանոց լեփ-լեցուն դահլիճը` ՀՀ ազգային օպերայի և ֆիլարմոնիկ նվագախմբի դիրիժոր Ռուբեն Ասատրյանի ղեկավարած Լիբանանի ֆիլարմոնիկ նվագախմբի բացառիկ կատարումները հայաստանցի մենակատարների մասնակցությամբ` միջազգային մրցույթների հաղթողներ և դափնեկիրներ Անուշ Նիկողոսյան )ջութակ( և Կարինե Հովհաննիսյան )քանոն(, ընդունել է մեծ ոգևորությամբ և բուռն ծափահարություններով:

Երեկոյի ընթացքում, որին ներկա էին Լիբանանի կառավարության պաշտոնյաներ, Լիբանանում հավատարմագրված դեսպաններ, հասարակական կազմակերպությունների, լրատվամիջոցների, լիբանանահայ համայնքի ներկայացուցիչներ, ՀՀ դեսպանության անձնակազմի անդամներ, հոգևոր հայրեր, հնչել են Արամ Խաչատուրյանի, Խաչատուր Ավետիսյանի և Գրիգոր Եղիազարյանի ստեղծագործությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր