Տանն Կիլիկիո Կաթողիկե Հայոց կաթողիկոս, պատրիարք Ամենապատիվ Տեր Ներսես Պետրոս ԺԹ-ն այցելել է Լիբանանում ՀՀ դեսպանություն

30 սեպտեմբերի, 2011

Ս.թ. սեպտեմբերի 30-ին Տանն Կիլիկիո Կաթողիկե Հայոց կաթողիկոս, պատրիարք Ամենապատիվ Տեր Ներսես Պետրոս ԺԹ-ն` ընկերակցությամբ Հայ կաթողիկե համայնքի հոգևոր պետերի և աշխարհիկ անդամների` այցելել է Լիբանանում Հայաստանի Հանրապետության դեսպանություն` շնորհավորելու դեսպանության անձնակազմին ՀՀ անկախության 20-րդ տարեդարձի կապակցությամբ:

ՀՀ դեսպան Աշոտ Քոչարյանը, ողջունելով Կաթողիկե Հայոց կաթողիկոս Տեր Ներսես Պետրոս ԺԹ պատրիարքին, նշել է, որ սեպտեմբերի 21-ը հայ ժողովրդի նորագույն պատմության սկիզբն ազդարարած, հայության դարավոր երազանքի` անկախության հռչակման օրն է: Նա հավելել է , որ անկախությունը մեր զենք է, իրավունքը, հպարտությունն ու պատասխանատվությունը: Դեսպան Քոչարյանը ընդգծել է, որ օրեցօր ամրապնդվում է հայոց պետությունը, հզորանում է Հայոց բանակը, ընդլայնվում է Հայաստան ‑Սփյուռք գործակցությունը:

Ամենապատիվ Հոգևոր Տերը, շնորհավորելով դեսպանին և դեսպանության ողջ անձնակազմին Հայաստանի Հանրապետության անկախության 20-րդ տարեդարձի առիթով, հույս է հայտնել, որ հզորացող Հայոց պետությունն ապագայում կշարունակի իր բարգավաճումը, և Հայաստան‑Սփյուռք հարաբերություններում հայ ժողովրդի միասնականությունը նոր ազդակ կհանդիսանա աշխարհասփյուռ հայության բարօրության, ինչպես նաև հայության առջև ծառացած մարտահրավերները հաղթահարելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր