“Արմենիա” առագաստանավի անձնակազմի այցելությունն Այնճար

07 օգոստոսի, 2011

Օգոստոսի 7-ին Արցախի հերոս, հրապարակախոս Զորի Բալայանի ղեկավարած «Արմենիա» առագաստանավի անձնակազմը Լիբանանում ՀՀ դեսպան Աշոտ Քոչարյանի և դեսպանատան դիվանագիտական անձնակազմի ուղեկցությամբ հյուրընկալվել է Լիբանանի հայաբնակ Այնճարում: Դիմավորման հանդիսավոր արարողությունից հետո Զորի Բալայանը և նավապետ Սամվել Կարապետյանը «Արմենիա» առագաստանավի անունից ծաղկեպսակ են զետեղել Մուսա Լեռան հերոսամարտի հուշարձանին: Այնուհետև Այնճարի Ս. Պողոս եկեղեցում տեղի է ունեցել հանդիպում այնճարցիների հետ, որտեղ ուղջույնի խոսքով հանդես են եկել «Կարմիր Լեռ» կոմիտեի անդամ Հակոբ Այնթափլյանը, ՀՀ դեսպան Աշոտ Քոչարյանը և Զորի Բալայանը, իսկ նավապետ Սամվել Կարապետյանը մանրամասներ է ներկայացրել «Արմենիա» առագաստանավի շուրջերկրյա ճամփորդությունից: Հանդիսությանը ներկա էին պետնախարար, գեներալ Փանոս Մանջյանը, քաղաքապետ Կարո Փամբուկյանը, գյուղի երեք համայնքների հոգևոր հայրերը, Այնճարի բնակիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր