Մայիսի 28-ին Լիբանանի հայաբնակ Այնճար քաղաքում տեղի է ունեցել հանդիսավոր երեկո` նվիրված Հանրապետության օրվան

28 մայիսի, 2011

Միջոցառման գլխավոր բանախոս, Լիբանանում ՀՀ դեսպան Աշոտ Քոչարյանն իր ելույթում ներկաներին նախ շնորհավորել է Հանրապետության օրվա կապակցությամբ, ապա անդրադարձել հայ ժողովրդի` հանուն ազատության մղվող պայքարի, զրկանքներով, տառապանքներով, արարչությամբ և հաղթանակներով լի պատմությանը: Նա ընդգծել է, որ հայ ժողովուրդը միշտ առաջնորդվել է անկախության և Անկախ Հայաստանի գաղափարով, որ մարմնավորում է ազատությունը, մարդկային ու ազգային արժանապատվությունը: Դեսպան Ա. Քոչարյանը մեջբերել է ՀՀ Նախագահ Սերժ Սարգսյանի Հանրապետության տոնի կապակցությամբ արված ուղերձի մի հատված, ուր ասված է. «Եթե մինչև 1918 թվականի մայիսի 28-ը մենք և աշխարհը լսում էինք ցեղասպանություն ապրած ազգի հառաչանքները, ապա այդ օրը հնչեց մի ուրիշ ձայն: Դա վերապրելու, լինելու, հավերժանալու կանչն էր, և դրա արձագանքները սերունդների հոգիներում են»:

Դեսպանը բարձր է գնահատել հայապահպանությանն ու հայկականության ոգու ամրպնդմանն առնչվող Այնճարում գործող բազմաբնույթ ազգային կառույցների ազգանվեր գործունեությունը` ուղղված մշակութային, կրթական, հոգևոր հարուստ արժեքների և ավանդույթների պահպանմանը: Նա նորանոր հաջողություններ և սխրանքներ է մաղթել մուսալեռցի-այնճարցիներին և համոզմունք հայտնել, որ հայ ժողովուրդը, իբրև հավաքական ուժ, Հայաստանի, Արցախի և Սփյուռքի միասնությամբ, նվիրումով և համերաշխությամբ կդիմակայի բոլոր մարտահրավերներին, կհաղթահարի բոլոր դժվարությունները և կլուծի իր առջև դրված համահայկական կարևորություն ունեցող բոլոր խնդիրները:

Երեկոյի ընթացքում, որին ներկա էին Այնճարի քաղաքապետը, ազգային կառույցների ղեկավարները, հոգևոր հայրերը, Այնճարի բնակիչները, ՀՀ դեսպանության անձնակազմը, կայացել է տոնական համերգ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր