Հոգեհանգիստ նվիրված 1988թ. Սումգայիթյան ջարդերի անմեղ զոհերի հիշատակին

27 փետրվարի, 2011

Փետրվարի 27-ին Անթիլիասի Մայրավանքի Մայր տաճարում Մեծի Տանն Կիլիկիո կաթողիկոս Արամ Ա-ի նախագահությամբ տեղի ունեցավ հոգեհանգիստ նվիրված 1988թ. Սումգայիթյան ջարդերի անմեղ զոհերի հիշատակին:

Այնուհետև Մայրավանքի Վեհարանի սրահում կազմակերպված հանդիսության ժամանակ ելույթներով հանդես եկան Լիբանանում ՀՀ դեսպան Աշոտ Քոչարյանը, ՀՅԴ Արցախի ԿԿ ներկայացուցիչ Դավիթ Իշխանյանը և Կաթողիկոս Արամ Ա-ը:

Հռետորներն իրենց ելույթներում անդրադարձան 23 տարի Ադրբեջանի Սումգայիթ արդյունաբերական քաղաքում տեղի ունեցած ողբերգական իրադարձություններին: Մասնավորապես նշվեց, որ 1988 թվականը Լեռնային Ղարաբաղի պատմության մեջ եղավ շրջադարձային: Արցախի ժողովուրդը ձայնը բարձրացրեց սեփական իրավունքների ու ազատության պաշտպանության օգտին: øաղաքակիրթ և օրինական յուրաքանչյուր գործողությանը հետեւում էր բռնության ծավալում, հայ ազգաբնակչության իրավունքների զանգվածային եւ համատարած ոտնահարում, բռնություններ և կոտարածներ, տեղանանում, ժողովրդավարական բռնանվաճում, տնտեսական շրջափակում: Հայ ազգաբնակչության նկատմամբ իրականացվեց ամենադաժան էթնիկ զտումների տեղահանման քաղաքականություն և պետականորեն կազմակերպված հանցագործություն:

Ընդգծվեց, որ միջազգային հանրությունը քաղաքական և իրավական լիարժեք գնահատական չի տվել կատարվածին: Մինչդեռ ամեն հնարավորն արվեց հանցագործությունների հանգամանքները թաքցնելու և խեղաթյուրելու համար: Իսկ փաստագրական ապացույցները, ականատեսների վկայությունները, հավաքված փաստերը հանգեցնում էին միակ աներկբա եզրակացության. ջարդերը, հանցագործություններն ու վայրագություններն իրականացվել էին Ադրբեջանի իշխանությունների կողմից:

Ելույթ ունեցողները դատապարտեցին ²դրբեջանի իշխանություններին նրա համար, որ անկախության հռչակումից անմիջապես հետո նրանք բանտերից ազատեցին դատապարտված մարդասպաններին եւ հրապարակայնորեն նրանց հռչակեցին ազ·ային հերոսներ:

Ելույթ ունեցողները նշեցին, որ Լեռնային Ղարաբաղը, որն իրեն պարտադրված պատերազմի ընթացքում արյան գնով պաշտպանել է իր ազատության իրավունքը, ներկայումս կայացած պետություն է: Արցախը չնայած բոլոր դժվարությունների, ծանր փորձությունների, առաջընթաց է ապրում, ապրացնում է պետական – ժողովրդավարական ինստիտուները, զարգացնում իր տնտեսությունն ու մշակույթը, պաշտպանում խաղաղությունը: Կարևորվեց լրատվամիջոցների դերը ադրբեջանական քարոզչությանը հակահարված տալու ենթատեքստում:

Հռետորների համոզմամբ, միջազգային հանրությանը վերջնականապես և մեկընդմիշտ պետք է պարզ լինի, որ Ադրբեջանն է սկսել զինված ագրեսիան ընդդեմ Լեռնային Ղարաբաղի ժողովրդի: Ելույթ ունեցողները միակարծիք էին, որ ժամանակակից մարտահրավերները կարելի է հաղթահարել միասնաբար Հայաստանի, Արցախի և Սփյուռքի հզոր ներուժով, համերախշությամբ և նվիրումով:

Հոգեհանգստյան արարողությանն ու հանդիսությանը ներկա էին նախարարներ, պատգամավորներ, հյուրեր ԼՂՀ-ից, Լիբանանի հայկական բոլոր քաղաքական, բարեսիրական և հասարակական կազմակերպությունների ղեկավարներ և անդամներ, լիբանանահայ համայնքի հայրուրավոր հավատացյալներ, ներկայացուցիչներ ակադեմիական և գիտական շրջանակներից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր