Տոնակատարություններ Այնճարում

18 սեպտեմբերի, 2016

Ս.թ. սեպտեմբերի 17-18-ը դեսպան Սամվել Մկրտչյանը և դեսպանության անձնակազմը Լիբանանի հայաբնակ Այնճար ավանում մասնակցեց խաչվերացի, Մուսա Լեռան հերոսամարտի 101-րդ և Այնճարի հիմնադրման 77 տարելիցների, հայկական երկու հանրապետությունների անկախության 25-ամյակին նվիրված տոնակատարություններին:
Միջոցառման 1-ին օրը Մուսա Լեռան հերոսամարտի հուշարձանի մոտ տեղի ունեցավ ժողովրդական հավաք: Ելույթներ ունեցան օրվա գլխավոր բանախոս, ծնունդով այնճարցի, Լիբանանի բանակի գեներալ, նախկին նախարար Փանոս Մանջյանը և Լիբանանի հայոց թեմի առաջնորդ Շահե եպս. Փանոսյանը: Երեկոյի ընթացքում եղան երաժշտական կատարումներ՝ Այնճարի հայ առաքելական, կաթողիկե և ավետարանական վարժարանների սաների մասնակցությամբ:
Ողջ գիշեր ընթացավ 40 կաթսաներով ավանդական հարիսայի պատրաստման արարողությունը:
Սեպտեմբերի 18-ին Սուրբ Պողոս եկեղեցում Շահե եպս. Փանոսյանը մատուցեց պատարագ, ապա կատարեց մատաղի օրհնություն: Այնուհետ, Գալուստ Գյուլբենկյան սրահում այնճարցիներին օրվա խորհրդի կապակցությամբ իրենց պատգամները փոխանցեցին Շահե եպս. Փանոսյանը և դեսպան Ս. Մկրտչյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր