Դեսպան Մկրտչյանի այցելությունն Այնճար

22 հունիսի, 2016

Ս.թ. հունիսի 22-ին դեսպան Սամվել Մկրտչյանն այցելեց Այնճար:
Դեսպանին Այնճարի «Ս. Զէյթլյան» կետրոնում դիմավորեցին քաղաքապետ Վարդգես Խոշյանը, Հայ առաքելական, կաթողիկէ և ավետարանական եկեղեցիների հոգևոր հովիվները, Հ.Յ.Դ. «Կարմիր Լեռ» կոմիտեի դաստիարակչական-քարոզչական հանձնախմբի, ազգային կառույցների և համայնքների ներկայացուցիչները:
Հանդիպման ընթացքում Մուսա Լեռան Հերոսամարտի 1ՕՕ-ամյակի կենտրոնական մարմնի նախագահ Եսայի Հավաթյանը ամփոփ ներկայացրեց Այնճարի պատմությունը, քաղաքապետական խորհրդի, հոգևոր և ազգային կառույցների գործունեությունը, ներկա խնդիրները և մարտահրավերները:
Իր ողջույնի խոսքում դեսպան Մկրտչյանը բարձր գնահատեց այնճարցիների` որպես Մուսալեռցիների հետնորդների, դերը հայ կենսակերպի պահպանման ու հաջորդ սերունդներին փոխանցման գործում: Դեսպանը նկատեց, որ այնճարցիներն իրենց նախանձելի կազմակերպվածությամբ ստեղծել են խիստ տարողունակ և բովանդակալից հայկական միջավայր՝ կառուցելով դպրոցներ, եկեղեցիներ, միություններ, տնտեսական ինքնաբավ միավորներ: Այս ամենը միանշանակ ողջ հայկական իրականության հպարտության մասն է կազմում:
Այնուհետև դեսպան Մկրտչյանը քաղաքապետի ուղեկցությամբ այցելեց քաղաքապետարան, Ազգային «Գալուստ Գյուլբենկյան» երկրորդական վարժարան, Հայ Կաթողիկէ Աղաճանյան սաների տուն, Հայ Ավետարանական երկրորդական վարժարան:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր