Դեսպան Մկրտչյանը մասնակցեց արցախահայության զորակցության հավաքին

11 ապրիլի, 2016

Ս.Դ.Հ.Կ «Տխրունի» ուսանողական երիտասարդական միության նախաձեռնությամբ Բեյրութի արվարձան Նոր Հաճն հայկական թաղամասում տեղի ունեցավ արցախահայությանը զորակցության հավաք: Հավաքին նախորդեց հոգեհանգստի արարողություն, ապա՝ մոմավառություն՝ ի հիշատակ վերջին օրերին Արցախի պաշտպանության համար նահատակված հայորդիներին:
Հավաքի մասնակիցներին ուղղված իր խոսքում Լիբանանում ՀՀ դեսպան Սամվել Մկրտչյանը շնորհակալություն հայտնեց միջոցառման կազմակերպիչներին միասնականության դրսևորման և այս ծանր օրերին Արցախի ժողովրդին ցուցաբերվող խիստ գնահատելի բազմատեսակ օժանդակության համար: Դեսպանը նշեց, որ նորօրյա աշխարհում պատերազմն ընթանում է ո՛չ միայն առաջնագծում, այլև տեղեկատվական ոլորտում և կոչ արեց սփյուռքահայությանը, մասնավորապես լիբանանահայությանը՝ բաղոքի տարբեր միջոցառումների միջոցով իրենց կառավարությունների և ժողովրդի ուշադրությունը հրավիրել ԼՂՀ հիմնախնդրի վրա՝ ի ցույց դնելով Ադրբեջանի իշխանությունների կողմից հակամարտության հրահրման փաստերը և Ղարաբաղի ժողովրդի դեմ իրականացվող ոճրագործությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր