Հայոց ցեղասպանության 100-ամյակին նվիրված հուշակոթողի բացում Հայկազյան համալսարանում

10 հոկտեմբերի, 2015

Ս.թ. հոկտեմբերի 10-ին Բեյրութում` Հայկազյան համալսարանի պարտեզում, տեղի ունեցավ Հայոց ցեղասպանության 100-ամյակի խորհրդանիշ անմոռուկի պատկերով հուշակոթողի բացման հանդիսավոր արարողությունը՝ հուշակոթողի հեղինակ արվեստագետ Լենա Քելեքյան: Միջոցառումը նախաձեռնել էր Լիբանանի «Հայրենակցական միությունների տիկնանց համախմբումը»՝ Լիբանանի Հայոց ցեղասպանության 100-ամյակի կենտրոնական մարմնի հովանավորությամբ և Հայկազյան համալսարանի հետ գործակցությամբ:
Միջոցառման մասնակիցներին իրենց խոսքն ուղղեցին Հայկազյան համալսարանի նախագահ Փոլ Հայդոստյանը, Հայոց ցեղասպանության 100-ամյակի Լիբանանի կենտրոնական կոմիտեի ատենապետ Սեդա Խդշյանը և Լիբանանի «Հայրենակցական միությունների տիկնանց համախմբման» ատենապետ Մարո Բալաբանյանը:
Այնուհետև Հայկազյանի բակում հնչեցին երաժշտական կատարումներ:
Հանդիսությանը ներկա էին Լիբանանում ՀՀ դեսպան Աշոտ Քոչարյանը, կրոնական առաջնորդներ, Լիբանանի խորհրդարանի պատգամավորներ, քաղաքական կուսակցությունների, ազգային կառույցների, լրատվամիջոցների ղեկավարներ և ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր