ԱՖՀԻԼ-ի «Զգույշ» պաշտոնաթերթի անդրանիկ համարի հրատարակության շնորհանդես և Հայաստանում ԱՖՀԻԼ-ի գործունեության սկզբի մեկնարկ

02 մարտի, 2015

.թ. փետրվարի 26-ին Բեյրութի Համազգայինի «Լյուսի Թութունջյան» ցուցասրահում Լիբանանում ՀՀ դեսպանության հովանավորությամբ տեղի ունեցավ շնորհանդես՝ ԱՖՀԻԼ ապահովագրական ընկերության «Զգույշ» պաշտոնաթերթի անդրանիկ համարի հրատարակության և ԱՖՀԻL-ի՝ Հայաստանում գործունեություն ծավալելու առնչությամբ:

Բացման խոսքով հանդես եկավ «Զգույշ» պարբերաթերթի խմբագիր Րաֆֆի Դեմիրճյանը, ով նշեց, որ լիբանանահայ համայնքի համար նախազգուշական-առողջապահական պարբերաթերթ ունենալու պահանջը «Զգույշ»-ի շնորհիվ դառնում է իրականություն, որը պիտի ծառայի ազգաբնակչության շրջանում առողջապահական վտանգների մասին իրազեկման բարձրացմանը և ոլորտի կատարելագործմանը: Այնուհետև ելույթ ունեցավ ԱՖՀԻԼ ապահովագրական ընկերության տնօրեն Հակոբ Լադոյանը, ով նշեց, որ «Բժիշկ» ամսագրից հետո երկրորդ անգամ համայնքը կունենա նույնանման պարբերաթերթ, որը լույս պիտի տեսնի տարին հինգ անգամ՝ 1500 տպաքանակով, և հասանելի լինի ազգաբնակչությանը անվճար հիմունքներով: Հակոբ Լադոյանը նաև տեղեկացրեց, որ 2015 թ. մարտի 1-ից սկսյալ ԱՖՀԻԼ-ի 6000 անդամները Հայաստանում կարող են բուժում ստանալ «Նաիրի» բժշկական կենտրոնում:

Իր խոսքում «Ազդակ» օրաթերթի գլխավոր խմբագիր Շահան Կանդահարյանը նշեց, որ ԱՖՀԻԼ-ը բազմիցս փաստել է, որ այն դժվար պայմանները հաղթահարող և լուծումներ գտնող համակարգ է և հույս հայտնեց, որ «Զգույշ»-ը կխթանի լիբանանահայ երիտասարդության առողջ ապրելակերպը: Լիբանանահայ բժշկական միության ատենապետ դոկտոր Գրիգոր Էջիդյանն իր ելույթում նշեց, որ «Զգուշ» պարբերաթերթը միտված է լինելու համայքնի կարողությունների առավել համակարգմանը և համագործակցությանը հայ բժիշկների միջև:

Երեկոյի վերջում ներկաներին խոսք ուղղեց Լիբանանում ՀՀ դեսպան Աշոտ Քոչարյանը: Դեսպանը բարձր գնահատեց ԱՖՀԻԼ-ի բազմաբովանդակ արդյունավետ գործունեությունը Հայաստան-սփյուռք համագործակցության խորացման ուղղությամբ և ընկերության սերտ համագործակցությունը Լիբանանում ՀՀ դեսպանության հետ: Դեսպան Քոչարյանը հաջողություն մաղթեց ԱՖՀԻԼ-ին, ապա ընթերցեց այս կապակցությամբ ԱՖՀԻԼ-ին և լիբանանահայությանը ուղղված ՀՀ սփյուռքի նախարար Հրանուշ Հակոբյանի շնորհավորական նամակը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր