Դասախոսություն Հ.Բ.Ը.Մ.-Հ.Ե.Ը. Ահրամջյան կենտրոնում

28 նոյեմբերի, 2014

Ս.թ նոյեմբերի 28-ին Հ.Բ.Ը.Մ.-Հ.Ե.Ը. Ահրամջյան կենտրոնում «Խոսնակ» օրաթերթի նախաձեռնությամբ կազմապերպվել է դասախոսական երեկո Լիբանանում ՀՀ դեսպան Աշոտ Քոչարյանի մասնակցությամբ:

Դեսպան Աշոտ Քոչարյանը ներկայացրել է ՀՀ արտաքին քաղաքականության առաջնահերթությունները, տնտեսական քաղաքականությունը, մասնավորապես՝ Հայաստանի ինտեգրացիոն գործընթացներն Եվրասիական տնտեսական միության անդամակցելու համատեքստում, ինչպես նաև Հյաստան-սփյուռք 5-րդ համաժողովի արդյունքները:

Դեսպանը նշել է, որ այսօր միջազգային ասպարեզում Հայաստանը կայուն, կանխատեսելի եւ հուսալի գործընկեր է, ակտիվորեն ներգրավված է կարևոր գործընթացներում և շարունակում է ընդլայնել դիվանագիտության աշխարհագրությունը: Հայաստանի արտաքին քաղաքականությունը կառուցված է փոխվստահության, փոխադարձ շահերի ու պարտավորությունների, ինչպես նաև համատեղ պատասխանատվության հիման վրա, որոնք միտված են տարածաշրջանում քաղաքական կայունության, անվտանգության, համերաշխության և տնտեսական զարգացման միջավայրի ստեղծմանը:

Դեսպան Քոչարյանը իր ելույթում անդրադարձել է ԼՂ հակամարտության բանակցային գործընթացին, Ադրբեջանի ապակառուցողական, սադրիչ և ագրեսիվ կեցվածքին, վերջերս ԼՂՀ պաշտպանության բանակի ուղղաթիռի խոցման փաստին: Նա ներկայացրել է նաև մանրամասներ Երևանում կայացած Հայաստան-սփյուռք վերջին համաժողովի վերաբերյալ, անդրադարձել Հայոց Ցեղասպանության 100-ամյա տարելիցին ընդառաջ իրականացվող նախապատրաստական աշխատաքներին:

Դասախոսությանը ներկա էին լիբանանահայ համայնքի հասարակական-քաղաքական շրջանակների ներկայացուցիչներ, դեսպանության դիվանադիտական ողջ անձնակազմը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր