Լուրեր

Դեսպան Սամվել Մկրտչյանի այցելությունը Լիբանանի Կառավարման ազգային դպրոց

19.01.2017

Կից լուսանկարներ

Դեսպան Սամվել Մկրտչյանի այցելությունը Լիբանանի Կառավարման ազգային դպրոց

Դեսպան Սամվել Մկրտչյանի այցելությունը Լիբանանի Կառավարման ազգային դպրոց

 

Ամբողջ ալբոմ »

Հունվարի 19-ին Լիբանանում ՀՀ դեսպան Սամվել Մկրտչյանն այցելեց Լիբանանի Կառավարման ազգային դպրոց և հանդիպում ունեցավ դիվանագիտական դասընթացի ունկնդիրների հետ:
Հանդիպմանը մասնակցեցին նաև դպրոցի խորհրդի նախագահ, պրոֆեսոր Ժորժ Լաբակին և «Լիբանանի դիվանագիտական ծառայությունն ավարտած դեսպանների ասոցիացիայի» նախագահ Ասսեմ Ժաբերը:
Դեսպան Մկրտչյանն իր ելույթում ներկայացրեց ՀՀ արտաքին քաղաքականության հիմնական ուղղությունները և առաջնահերթությունները, անմիջական հարևանների հետ հարաբերությունները: Զուգահեռներ անցկացվեցին Հայաստանի և Լիբանանի անվտանգության միջավայրերի միջև:
Դեսպանը նաև անդրադարձավ դիվանագիտական ծառայությանը և դիվանագետի մասնագիտությանը բնորոշ առանձնահատկություններին, երկկողմ և բազմակողմ դիվանագիտության ընդհանրություններին և տարբերություններին:
Այնուհետև, պատասխանելով ներկաների հարցերին, դեսպան Մկրտչյանը ներկայացրեց ցեղասպանությունների կանխարգելմանն ուղղված ՀՀ ջանքերը, ԵԱՀԿ Մինսկի խմբի համանախագահների միջնորդական առաքելության նպատակն ու ԼՂ հակամարտության խաղաղ կարգավորմանն ուղղված Մադրիդյան սկզբունքները, հայ-ռուսական դաշնակցային հարաբերությունները, Հայաստանի անդամակցությունը ՀԱԿՊ-ին և ԵԱՏՄ-ին, ԵՄ հետ համագործակցությունը, ԱՄՆ-ի հետ գործընկերային փոխգործակցությունը:
Քննարկման թեմա դարձան նաև Մերձավոր Արևելքում, մասնավորապես՝ Սիրիայում ընթացող իրադարձությունները, սիրիահայ համայնքի վրա դրանց ազդեցությունը, երկրում խաղաղության հաստատման հեռանկարները:
Տեղեկանք․ Վեցամսյա դասընթացները կազմակերպվում են դիվանագիտական ծառայության երիտասարդ անդամների համար Լիբանանի Կառավարման ազգային դպրոցում: Դասընթացները համակարգվում են «Լիբանանի դիվանագիտական ծառայությունն ավարտած դեսպանների ասոցիացիայի» կողմից, որը ներկայումս ունի 103 անդամ:
 

 

ՀՀ ԱԳՆ
պաշտոնական կայք
Երկքաղաքացիություն Էլեկտրոնային
վիզա
Արտոնագրի
ձևեր